ජාතියේ මහ හෙළුව

 ජාතියේ මහ හෙළුව
ඉපදෙන්නේ ද වස්තරයක් නොමැතිවය. ටික ටික වැඩි වියට පැමිණෙන විට සංස්කෘතිය මඟින් සභ්‍යත්වයක් නැමැති එකක් නිසා අපට හෙළුව වසා ගැනීමට සිදු වේ. නමුත් එය අද වන විට වර්ණය, ප්‍රමාණය  අනුව ලිංගිකත්වය පිළිබඳ  සිඟිති මානසිකත්ව කොට්ඨාසයට  මැජික් එකකි. මීට දින කිහිපයකට පෙර කතා බහට ලක් වූ නිළි කැළගේ සාද විලාසිතාව පේජ් මාකට් එකට අපූරු මාතෘකාවක් වී තිබිණ. ජාත්‍යන්තරයේ සාද වලට එහි නිළි කැළ යොදාගන්නා විලාසිතාවන් අපේ උදැලාට ප්‍රශ්න නොවීමත් මෙරට නිළි කැළගේ විලාසිතාව අතිශය මැජික් එකක් වීමත් මරුය.. ඒ සාදයේ ඡායාරු අතර ඇතැම්හු යට ඇඳුම් සෙවූහ.ඇතැම්හු රෙදි මදි බව පවසා නැටූහ. .රෙද්දට පමණක් සභ්‍යත්වයක් සොයයි නම් එදා සීගිරි කාශ්‍යප බිතු සිතුවම් වලට කොටු නොදැම්මේ ඇයි?


 වෙනත් රට වල නිරුවත (nude) යනු කලාවකි. අපේ රටේ මැජික් එකකි.බුදු දහමේ වුවද විරාගය ලෙස හඳුන්වා දී ඇත්තේ මඩ ගොහොරක මඩ නොගෑවී සිටීමක් ලෙසය..සමාජයේ මඩ ඇත.එකිනෙකාට රිසි දේ ඇඳීමට ඉඩ ඇත.තමන්ට අවශ්‍ය දෑ අනවශ්‍ය දෑ තෝරා බේරා ගැනීමට හෝ ඒවායින් ඈත් වීමට ස්වාධීනත්වයක් ඇත.තමාගේ ජීවිතය සාර්ථක කර නොගන්න බොහෝ දෙනා අනුන්ට උපදෙස් දීමට ඉතා දක්ශයෝ වෙති.දැන් මෙය කියවන ඇතැමෙකුට මේ මොන අමාරුවක් දැයි හැඟෙනු ඇත. තවකෙකුට මේකිට දැං හෙළුව මාකට් කරන්නද ඕනෙ වෙලා තියෙන්නෙ ?  යන අනේකවිධ ගැටලු මතු වනු ඇත..කම් නැත. මා පැවසීමට උත්සහ දරන්නේ හෙළුව පිළිබඳ ඇති ගෝත්‍රික මානසිකත්වයෙන් මිදී නැති මෙවැනි සමාජයක  සභ්‍යත්වයක් පිළිබඳ කතා කිරීමට අප සුදුසුදැයි යන ප්‍රශ්නය අපෙන්ම අසා ගත යුත්තක් බවයි.

සමාජ නූගත්භාවය, ලිංගික අධ්‍යාපනය පිළිබඳ දැනුම නොලැබීම,මිථ්‍යාවන්ගෙන් පුරවාගත් ඔළු ගෙඩි මෙම තත්ත්වයට බලපා ඇත.. වෙනත් රටවල් තාක්ෂණය සමඟ ඉදිරියට යද්දී අපේ උන් කේන්දරයේ කොටු අතර බට්ටා පණිති.රෙද්ද පල්ලෙන් බේරෙන සභ්‍යත්වයක් සොයති.. රට මෙසේ දිවෙන තාක් රටට ආතල් ය.. සුද්දා දුන් දුම්රිය අද වන තුරු ප්‍රතිසංස්කරණය වී නැත.. බස් එකක ජැක් ගහන අසහන මානසිකත්ව පිරි මිනිසුන් එමටය.ඉල්ලීමක් දිනාගැනීමට නම් පාරට බැසියය යුතුමය..කඳුළු ගෑස් පහසින් මත් විය යුතුමය.. වෙළෙඳ භාණ්ඩයක් මිලට ගැනීමට ගිය විට මුදලාලිලාගෙ රැස් බැලිය යුතුමය.. එවන් රටක රෙද්දක සභ්‍යත්වය තම්බා කන්නදැයි අප අපෙන්ම ඇසිය යුතුය.
            ©මීනු ගුණසිංහ
(University of J'pura)


Duminda Namal

මම දුමින්ද.ස්වර්ණයම භාෂාවක් ‍වන සිංහල භාෂාව රැක ගන්න උත්සාහ කරන ‍කොල්ලෙ ක්. කියවපු ලිපිය වටිනවා නං එසේම සිංහල භාෂාව තවදුරටත් අන්තර්ජාලය තුල පැවතිය යුතු නම් මේ ලිපිය අනිවා අනිවාර්යෙන්ම share කරන්න .ඔබගේ වටිනා අදහස් පහතින් කමෙන්ට් බොක්ස් එක තුල යොදන්න.